രാഹുക്ഷേത്രം
.jpg)
കുംഭകോണത്തു നിന്ന് 28 കി.മീ അകലെയാണ് തിരുന്നാഗേശ്വരം നാഗനാഥ ക്ഷേത്രം. പ്രധാന പ്രതിഷ്ട്ട നാഗ ദേവനായ ശിവനാണ്. ദേവി ഗിരികുജാമ്പികയും.. നാഗ രാജാവായ രാഹുവിന്റെ അമ്പലമാണിത്. വിശാലമാണ് ക്ഷേത്രം.. രാഹുവിനായി പ്രത്യേകം കോവിലുണ്ട്. ഇവിടുത്തെ ദേവി പ്രതിഷ്ട്ട വിവിധ സ്ത്രൈണ ഭാവങ്ങളെ പ്രതിനിധീകരിക്കുന്നതാണ്. രാവിലെ ചെറിയ പെണ്കുട്ടിയും ഉച്ചയ്ക്ക് യുവതിയും രാത്രി അമ്മയായും ദേവി രൂപം മാറുന്നു.. രാഹു ക്ഷേത്ര ദര്ശനം രാഹു ദോഷം പിടിപെട്ടവര്ക്ക് നല്ലതാണെന്നാണ് വിശ്വാസം..
ശനിദേവ ക്ഷേത്രം
കര്ശനമായ സുരക്ഷാസംവിധാനങ്ങളാണ് ശനിദേവ ക്ഷേത്രത്തില്.. അകത്തേക്ക് ക്യാമറ അനുവദിനീയമല്ല. അഭിഷേകവും കറുത്ത പട്ടുമാണ് ശനി ദേവനുള്ള വഴിപാടുകളില് പ്രധാനം. നിരവധി കോവിലുകളും തീര്ത്ഥങ്ങള്മുള്ള വലിയ ക്ഷേത്രമാണിത്.. ഇവിടെയുള്ള തീര്ത്ഥത്തില് കുളിച്ചാണത്രെ നളന്റെ കലി ദോഷം അകന്നത്..ശനി ദോഷം അകറ്റാന് വര്ഷത്തില് ഒരിക്കലെങ്കിലും ഇവിടെ വരണമെന്നാണ് പറയുന്നത്.
കേതു ക്ഷേത്രം
കീഴ്പെരുംപള്ളം കേതുക്ഷേത്രം വളരെ ചെറിയൊരു ക്ഷേത്രമാണ്. ആള്തിരക്ക് കുറഞ്ഞൊരു പ്രദേശത്ത്..ക്ഷേത്രത്തിനകത്തും ആള്ത്തിരക്ക് അധികമില്ല. സന്ധ്യയോടടുത്തിരുന്നു എത്തുമ്പോള്. കേതു ദോഷം തീര്ക്കാന് പരിഹാരമായി ഇവിടെ ഭജനമിരിക്കണമെന്നതാണ് വിശ്വാസം.. ഈ ദിവസത്തെ യാത്ര ഇവിടെ അവസാനിക്കും..ഇനി നാളെ..
വൈതീശ്വരന് കോവില്
പിറ്റേന്ന് രാവിലെ ആദ്യ സന്ദര്ശനം ചൊവ്വയ്ക്ക് ആയുള്ള വൈതീശ്വരന് കോവിലിലെക്കായിരുന്നു. വളരെ വലിയ ക്ഷേത്രമാണിത്..ഒരുപാട് കോവിലുകളും നീണ്ട ഇടനാഴികളുമായി.. മുഖ്യ പ്രതിഷ്ട്ട ശിവനാണ്.. വൈദ്യ ചികിത്സയില് കഴിവും അറിവും നേടാന് ഇവിടുത്തെ ദേവന് സഹായിക്കുമെന്നാണ് വിശ്വാസം..അതിനാല് തന്നെ ക്ഷേത്രത്തിനകത്ത് ഭജനമിരിക്കുന്ന വൈദ്യന്മാരെ കാണാം.. ചൊവ്വയ്ക്ക് ആയി കോവിലുണ്ട്.. നാഡീജ്യോതിഷത്തിനു പ്രശസ്തമാണ് ഈ ദേശം..
ബുധക്ഷേത്രം
വൈതീശ്വരന് കോവിലില് നിന്ന് ഏകദേശം 15 കി.മീ ഉണ്ട് തിരുവേങ്കാട് ബുധക്ഷേത്രത്തിലേക്ക്.. കാശിക്ക് തുല്യമായ ആറു പുണ്യ സ്ഥാനങ്ങളില് ഒന്നയാണിവിടം കണക്കാക്കപ്പെടുന്നത്.. ബുധ പ്രീതിക്കായി കുട്ടികളില്ലാത്ത ദമ്പതികള് ധാരാളം എത്തുന്നുണ്ട് ഇവിടെ..
നവഗ്രഹ യാത്ര ഇവിടെ തീരുന്നു.. 3 ദിവസം നീണ്ട യാത്രയ്ക്കൊടുവില് മനസിലാകുന്നു... ഈ യാത്ര ഉള്ളില് കുടി കൊള്ളുന്ന എന്റെ തന്നെ വിവിധ ഭാവങ്ങളെ അന്വേഷിച്ചായിരുന്നു എന്ന്.. ഓരോ ഗ്രഹവും എന്റെ ഉള്ളിലായിരുന്നു.. .എന്റെ ഉള്ളിലെ നന്മയും തിന്മയുമായിരുന്നു ...മടക്കം..കാവേരിയുടെ താളമറിഞ്ഞുകൊണ്ട്... വഴിയോരങ്ങളില് പിന്നെയും ഉണ്ട് നാട്ടു ദൈവങ്ങള്.. ഊര് കാക്കുന്ന അമ്മ ദൈവങ്ങള്.. ഏത് ഇരുളിലും കാണാം..കത്തിച്ചു വെച്ച ഒരു നറുതിരി എങ്കിലും...അവയെല്ലാം ജ്വലിക്കുന്നത് ഒരു നാടിന്റെ പ്രതീക്ഷകളുമായാണ്...
